خاطرة بالعامية

رح اكتبلك خاطرة بالعامية

بتعرف لو جيت وقلتلي بحبك شو رح اعمل

رح جمع حوار 14 مسلسل و14 فيلم

ورح اخود من كل فيلم مقطع 

ومن كل مسلسل حوار

وقلك ياهم كلهم

رح عاتبك علحظات خليتني غار فيها

ولحظات وجعتلي قلبي 

حقلك لو عملت هيك لتوجعني 

فمعناها انت كتير شرير 

معناها انت مابتخاف الله

ولو عملت هيك لتوقعني فيك زيادة 

حقلك مع كل معلقة مر دوقتني ياها 

كان حبك بقلبي عم يزيد مكانو

حقلك انا ما فرضت حالي عليك 

لتعمل معي هيك 

انت الي دخلت حياتي واخدت المكان الي بدك ياه بالزبط

ومارست كل طقوسك

وحطيتني تحت تاثير الcharm تبعك 

انت الي بكامل ارادتك فتت حياتي 

بقصتنا انا الي بلا ارادة كنت

وكان دايما احر ماعندي ابرد ما عندك

كان ممنوع عليي كون مع اي شب من رفقاتنا

وحلال عليك تكون مع كل بنت مننا ومن شلتنا

عيونك تحرقني بنارا وتضربني برصاصا

يكون عندك استعداد تقتل كل شب حواليي

وبنفس الوقت مدري كيف كل برود الارض ينزل عليك وما تعملها

وحضل عاتبك مية ساعة 

ولما لف لامشي حضل واقفة عاطيتك ضهري ثانيتين وارجع لف وضمك

وقلك وانا كمان

 #بقلمي