امتعاضة...!

اشفق كل الاشفاق على الشريحة الموجودة بالعالم الإسلامي 

الي مازالت عايشة في قوقعة انجازات الماضي وبتنكر وجود انتحار بالعالم الاسلامي وامراض نفسية 

بمبرر قوة ايماننا تمنعنا 

لا ما بينفع تقول هالحكي 

من بعد 11 سبتمبر والعالم دخل بحالة فوضى جنونية 

ومن 15 سنة لهلق ونحن عم ناكل مقالب من ورا الحركة الجنونية للعالم 

ما بينفع تجي وتقلي خالد بن الوليد عمل 

وطارق بن زياد ساوا لانو لو بيطلعو اجدادنا من قبورون اول حدا بيقتلوه هو امثال هي الشريحة الي لسا عايشة بقوقعة المثاليات وبدال ماتساعد مجتمعا يصير احسن 

لسا عم تناقش اذا البنت بصير تتعلم او لا 

الشريحة بتمثل اكتر من 70 بالمية من مجتمعنا الاسلامي 

مابينفع تقلي مجتمعنا خالي من العقد ومافيو انتحار بسبب الظروف ومافيو انتحار بسبب الامراض النفسية وتعيشني باحلام وردية 

لانو لو حقيقة ماكنا سمعنا انو البوعزيزي انتحر 

لانو مجتمعنا اكبر مجتمع فيو عقد نفسية بسبب التخلف الي نحن في وعدم قدرتنا عالاعتراف بهالشي 

الفقاعة الpink الي عايشة فيا هي الشريحة لازم نطقلون ياها 

لانو هي الفقاعة كانت بتنفع ايام ماكان جيل التسعينات لسا بيبي عم يرضع مو هلق 

ايام ما جدي وجدك قرروا يسكتو عالظلم ويعدو ايام ما الشعراء الورديين تبع العالم العربي 

نحن بهالايام وبعد الحركة الجنونية الي فات فيا العالم بعد 11 سبتمبر والي راح ضحيتها الاف لا ملايين من العالم الاسلامي مابينفع يضل امثال هالشريحة بفقاعتها 

مابينفع تضل عايشة جوات فقاعة وتقول انو كل الخراب بسبب البوعزيزي لا حبي الخراب بسبب امثال هالشريحة ولكم حلو عن امنا بقى طلعوا من فقاعتكم الغبية هي عيشو بواقعنا 

بدال ماتحاربو كل فيلم بيطلع بناقش الانتحار بالعالم العربي وتقولو عم يناقش شي مابصير وبدال ماتناقشو الافلام الي بتناقش قضايا خلع الحجاب 

فكرو بالسبب الي بخلي الناس تعمل هيك حاج تضحكو عحالكم 

انتو السبب الرئيسي بهالظواهر 

بتقولو الناس عم تطلع عن دينا 

ماحدا بطالع عن الدين قدكم يا جهلاء الدين يا عالقين بصفحات التاريخ 

ولكم علوا علقانين وفايدين العالم بهالعلقة منقول في منكم فايدة بس انتو مافي منكم غير الخراب اصحوا يا نايميييين 

اسفة عالاطالة بس ضجة حكي علقانة بحلقي

#بقلمي